袁嘉敏為角色折磨自己：要精神恍惚唔畀自己訓覺
撰文：吳子生
出版：更新：
袁嘉敏(Candy)早前現身《鐵血戰士：血獸進化》首映活動，最近接拍了一部香港電影，角色上有好大挑戰，內心陰暗面深不見底，為求突出角色的神態，強迫自己訓少啲，令自己精神狀態處身恍惚當中。「因為日日都要被困住喺一間黑房裡面，角色性格好黑暗面，我想容易投入啲，所以令自己喺唔夠訓嘅情況下，可以保持住個眼神，我知道喺唔容易嘅事。」
Candy放下電影拍攝工作，短暫飛去新加坡探朋友，但一到步放下行箱之後，負面情緒爆發。「因為拍呢套戲，劇情講我喺好唔開心，但我又唔可以喊，其他演員又演得真喺好好，我去到新加坡諗番起啲劇情，好似真實一樣，我忍唔住喊覺得好傷心，希望9月尾煞科後，真喺要散下心，釋放番啲負能量。」