古天樂第100教學樓竣工　網民：內地好多藝人都不及一個古天樂　

自08年汶川大地震後，古天樂低調成立「古天樂慈善基金」，十年間先後捐建18所醫療室、1座小水利工程、750口水窘以及近百間小學，不過，對於行善一事，古天樂鮮有提及。

據知，古仔除了出錢捐建學校外，仲會專門派人監督工程，務求建築物夠安全穩陣才放心，6月時，內地傳媒指出第99所古天樂希望小學於廣西蒼梧落成，近日，有網民指出名為「古天樂第100教學樓」已於四川完工，兩棟大樓以黃色為主。而與此同時，位於雲南省田蓬鎮中心近日亦舉行了「古天樂第105綜合樓」奠基儀式，粗糙估計捐贈金額已超過三千萬人民幣，消息曝光後，唔少網民都十分佩服古仔嘅善心，並稱佢為真正慈善家。

至於點解古仔所捐建嘅學校全部要以古天樂為命，原來係因為捐錢到內地必須通過慈善機構，古仔透過香港慈恩會協助捐款，而慈恩會規定個人捐建項目要以個人名字命名，所以先會出現一系列的「古天樂第XX教學樓」。