佘詩曼同舊愛鄭嘉穎齊做連鎖店代言人　一個賣榴槤酥餅一個賣炸雞

佘詩曼（阿佘）近日因《延禧攻略》而深受內地網民歡迎，劇集播出之後，有唔少代言廣告火速搵上門，當中包括肯德基，廣告中，阿佘以《延禧》中的皇后造型亮相，並且好滋味咁享用最新推出嘅金枕榴槤酥餅，再好霸氣咁講句「果然是配得上本宮的皇者之位」，成件事都幾好笑。

佘詩曼過往都有唔少代言，如服飾、醫學美容、念慈庵等等，但為連鎖快餐店代言又真係好似第一次，咁啱得咁蹺，肯德基嘅香港代言人鄭嘉穎近年一句「218五個0，Call我吖！」深入心民，二人早年因《法證先鋒II》而傳出誹聞，試過於寓所附近遇上狗仔隊，男方情急下叫阿佘落車，而事件令當時鄭的另一緋聞女友周麗淇黯然出局。近年，佘詩曼同鄭嘉穎先後北上發展又再返回大台，可惜未有機會合作，鄭嘉穎早前結婚時，佘詩曼大方送上祝福之餘，亦表示有意請對方食飯，照咁睇，兩位可以一齊約食KFC喎。