劉嘉玲拒絕與梁朝偉夫妻檔拍真人騷：無可能！

劉嘉玲昨晚（9日）出席酒會活動，表示為買不到劉德華演唱會票而感到頭痕：「我已經係用盡我好大嘅手段，基本上都已經問晒所有嘅人，但都幫唔到我。咁我唯有硬著頭皮去敲華仔嘅門，我send咗個message畀佢，希望佢可以幫我解決一吓個問題啦。」

被問到如果跟梁朝偉雙雙為華仔個唱做嘉賓，會否解決了問題？她笑說：「如果係佢能力範圍之內可以幫我解決嘅，佢應該可以幫我解決嘅，但我當然會好樂意為佢做嘉賓啦！」見到華仔演唱會反應熱烈，人人都一票難求，被問到會否提議華仔加場，嘉玲就表示自己沒有這權力，但都表示很為好朋友感到高興。

早前嘉玲接到很多真人騷的邀請，有沒有可能看到嘉玲與偉仔二人夫妻檔參加？嘉玲很決斷答道：「無可能啦！你只可以見到我啦！」（會希望接拍哪種真人騷？）「只要係正面嘅、健康嘅、好玩嘅，可以畀大家近距離更加立體咁見到我本人係點樣嘅，我覺得ok㗎。我係可以有無限嘅可能性。」

梁朝偉最近主演的新戲《歐洲攻略》被稱之為「香港007」，被問到偉仔在嘉玲心目中像不像007？嘉玲甜蜜地回道：「咁佢型過007喎喺我心目中！」