梁烈唯遭冒名騙財搞派對　「受害人」指名氣唔不大冇興趣

梁烈唯近日遭冒名騙財，因此令到唯唯很生氣，更網上澄清及反擊，對於這次事件唯唯嘆騙徒手法果然層出不窮：「其實件事要講番兩年前，當年有一件工作，做完呢件工作之後收唔到尾數，之後都同公司講，算啦，畀少少空間佢，相信佢都有難處，希望佢會之後俾番，兩年過去，中間亦有聯繫過我一次，就話好快有錢俾我，我答佢唔緊要啦，有錢先俾我，佢然後又講有工作想搵我做，我答佢都冇乜機會合作啦，之前錢又未俾，然後佢話用另一間公司同我簽，咁你公司就唔會知，我話唔會幫佢呃我公司，然後佢將我哋之間對話Cap圖，然後就係今次我放上網嗰啲相，話會舉辦一個派對，派對會有藝人出席，其中有我、Bob同馬德鐘，其實當然冇啦，然後佢想呃嗰個受害人就醒，講佢係被人公開話佢係呃錢嗰個人，佢就話唔係佢，更將我同佢嘅對話俾人睇話我哋之間冇事發生，做番朋友。我覺得呢一件事一定要公開，唔想再俾佢用我哋名字去呃任何人，其實好嬲，因為本身俾機會重新做人，點知又想去呃人。」

問到「受害人」說唯唯名氣不大，所以沒有興趣參加，會否不開心？唯唯笑言不介意：「事實上我都唔係天王巨星，咁唔緊要，努力啦，努力唔係為咗人哋睇法，係希望想做得更好，有好嘅作品岀現。」