【再創世紀】楊埕首次拍攝電視劇 有意做TVB「親生女」
撰文：賴家杰
出版：更新：
楊埕今日（9日）出席Tvb電視劇《再創世紀》宣傳活動，楊埕於劇集中飾演一名剛剛大學畢業投入社會工作的人，楊埕接受訪問時候透露她這次是第一次拍攝劇集，「我之前未試過演劇集，其實都係一個好大嘅挑戰，我一入嚟Tvb就接拍全年最犀利嘅劇集，劇中好多前輩好有經驗，變咗我要極速哋好似海綿要吸收好多事，佢哋教我各方面嘅事，我都係拍攝嘅時候學習。」
問到楊埕第一次拍攝劇集有沒有在拍攝時候被導演責罵？楊埕指劇中大家關係像一家人：「我覺得監製、導演同演員佢哋都好錫我，以我一個新人嚟講，我乜都唔識，好多事情要佢哋指點我，佢哋都俾好多機會我嘗試，所以真係好感謝佢哋。」楊埕亦分享到在深圳拍攝時候與演員的難忘回憶，「開工時候會討論附近有乜好食，大家會好融洽，好像一家人，冇唔舒服嘅感覺。」
楊埕很感激這次Tvb給她這個機會，問到楊埕是不是想做Tvb「親生女」？她回應：「希望啦，都有繼續拍，一路有劇集會上，睇吓Tvb會唔會畀多啲機會我，可能會做親生女㗎，我覺得Tvb都係一個好好嘅平台」