戴祖儀因拍劇成少女公敵 獲男神周柏豪撥頭髮：個心卜卜跳
撰文：吳子生
出版：更新：
女神戴祖儀（Joey）今日（8日）現身港台出席「職安健常識問答比賽2018」，與吳業坤、周浩鼎組成隊伍，火拼紅組的劉浩龍、徐加晴及鄭泳舜，以及綠組的鄭俊弘，菊梓喬及邵家臻，鬥得難分難解。
戴祖儀初出道就備受「星夢」力捧，又出歌曲又拍劇，更於新劇《多功能老婆》穩佔一角，與天后楊千嬅、周柏豪有連番對手戲！她接受《香港01》訪問時說：「今日我嘅戲份已經拍完，好唔捨得，雖然拍攝進度比較趕，但我哋有時間就會圍埋一齊，傾到天南地北乜都傾，真喺好開心，柏豪喺公認靚仔，其實今次喺第二次合作，但都會有種心動嘅感覺，試過有次拍攝前，我啲頭髮亂咗，佢好細心咁幫我撥開亂咗嘅頭髮，嗰一刻個心真喺『卜卜』咁跳好緊張，但戲裡面角色唔係咁主動，所以唯有收斂返放喺心度。」