【有片】薛凱琪港鐵自拍冇人認得　成功變身小市民

薛凱琪在港鐵自拍短片，雖然動作多多，但仍未有被乘客認出她。(微博截圖)

薛凱琪繼早前自拍搭電車，竟然冇乘客認得出她是明星後，昨日再次測試自己人氣，今次選擇在傍晚6時許乘搭港鐵，戴上口罩的她，跟女助手一起站在車廂中，取出手機自拍短片，未知是否昨日曾下大雨，加上一班打工仔歸心似箭，人人趕住返家，雖然薛凱琪拍片時動作多多，又眨眼又揮手，但仍然未有引起半個乘客注意，薛凱琪成功融入車廂乘客之中。

鏡頭一轉，薛凱琪已移師至扶手電梯，繼續她的自拍之旅，短短的十秒旅程，薛凱琪自拍完左邊面，再轉拍右邊面，但仍未有途人留意她，只見有乘客在她身旁匆匆走過。薛凱琪電車、港鐵自拍之後，下次又會否玩到去巴士、渡輪，大家真的要拭目以待。