姚子羚李施嬅起程遊非洲　出發前最煩︰「玩12日只可帶15kg行李」

姚子羚早前提過會偕好姊姐李施嬅二人並肩到非洲旅行，原來今天（6日）就是啟程之日！但子羚昨晚（5日）仍堅持工作，為時裝活動擔任嘉賓：「我行李都未執好呀！」

其實去非洲旅行要很多準備，當中最麻煩的莫過於要打防疫針，然而子羚捱過這難關後，仍未可以安心去旅遊，原因是她12天的非洲之旅，卻只能帶15kg的行季：「其實我哋要飛好多轉，去到非洲又要轉小型飛機，又要帶啲防蚊嘅，而家都頭痕緊，（會捨棄啲咩？）女人真係最難捨棄啲......我諗都係帶少啲化妝品啦，去到都無咩機會化妝㗎喇，同埋我最怕曬黑，大部分（時間）都會戴帽載黑超，因為我啲friend叫我要包實啲，怕風沙大。」而子羚亦擔心水土問題：「原來係連刷牙都唔可以用水喉水，要用樽裝水。」

在非洲之旅過後，姚子羚隨即便要飛泰國拍劇，然後再要偕胡定欣、蕭正楠、曹永廉飛到瑞士拍攝旅遊節目：「今次真係好期待同佢哋拍呢個節目，因為會將個重點放喺兩pair人身上，我哋開咗會，開咗個group chat，已經係唇槍舌劍。」