【特技人】海滔滔吳卓衡被讚似韓星　與劉德華合作後被邵氏發掘

TVB劇集《特技人》進入結局篇，除了劇情越來越精彩，飾演傅嘉莉師弟的「海滔滔」因外型激似韓星，與NCT成員黃旭熙Lucas有幾分相似，而成為焦點。原來這位「海滔滔」亦是TVB相當有潛質的新人，備受公司力捧。

飾演「海滔滔」的藝人叫吳卓衡，上年簽約邵氏，是陳瀅的師弟。吳卓衡今年只有21歲，於拔萃男書院畢業後，現時在城大讀書。不要看他擁有精緻的五官，長得亦比較秀氣，以為他比較文靜，其實恰恰相反，他是一名運動健將，同時擁有羽毛球和攬球教練牌。

吳卓衡在2016曾參演由關信輝執導、劉德華投資監製的電影《熱血合唱團》，半年後被TVB發掘，簽約邵氏。吳卓衡稱自己最欣賞的藝人是劉德華，因為之前拍攝的時間比較多，大約四個月左右。我覺得佢係演員嘅榜樣，佢喺呢行地位比較高，亦係我哋前輩，但佢從來都無擺款，佢係好貼心嘅老師，畀好多意見我哋。他亦從來無遲到早退，好緊守自己的崗位。佢亦好保護身邊的人，好似有粉絲嚟到片場探班，佢都會親自慰問下佢哋，我覺得一個演員自己做嘢已經咁辛苦，仲可以照顧其他人，呢樣嘢好難得。」

至於在《特技人》中，「海滔滔」經常會以韓星的打扮出演，他稱自己私下很喜歡韓國Style，亦大讚劇組製作認真：「其實《特技人》算係我加入TVB後拍嘅其中一部劇，我個角色有好多唔同嘅造型，連耳環都係特登訂返嚟，俾我做道具，所以製作係超認真，我亦都好鍾意。」在劇中「海滔滔」經常與身穿性感嘅丸丸（李君妍飾）同場，問到他會否感到尷尬，他就笑言：「起初都會嘅，有少少但又未至於尷尬，因為佢換完衫會問下人佢著得靚唔靚，咁佢一問我一望就會有少少怕醜，但我哋都係演員，係專業嘅，之後都會提醒佢小心走光，又會提佢著返多件衫！」吳卓衡亦參與過唔少劇集包括較早前播放的《飛虎之潛行極戰》，還未播出的有《包青天再起風雲》、《十二傳說》和《解決師》，是備受TVB力捧的「小鮮肉」。