Coffee林芊妤陀B 八個月做拱橋　睇到網民心驚膽顫

28歲的林芊妤（Coffee）現時懷孕8個月嘅Coffee，預產期在10月尾。Coffee雖然陀緊BB，但由於經常做運動，所以只係肥肚不肥人，她亦經常在IG上載大住肚做運動的照片，大騷懷孕健康美。Coffee 最近不僅無懼大肚8個月，與老公到沖繩浮潛，日前更上載陀住大肚做拱橋嘅短片，真係嚇親人！

從片中所見，Coffee先做咗一輪熱身，鬆下根骨，包括拗腰、一字馬、抬腿等，最後佢嚟一個高身拱橋，真係睇到好驚險，有網民笑言BB 好似喺肚入面玩緊過山車。亦有不少網友擔心咁樣做會對BB 構成危險，Coffee 回應說：「又唔係咁危險既（嘅），有孕婦9個月都去跑全馬，其實好睇個人架（㗎）。」只能說 Coffee 真係藝高人膽大呀！奉勸各位無Coffee 咁強勁瑜珈底子嘅大肚婆唔好亂咁模仿呀！