【手語隨想曲】與談善言6年前合作過　麥芷誼：大家都成長咗好多

曾在電影《同班同學》演出的麥芷誼最近與好友談善言為香港電台劇集《手語隨想曲6》演出，齊齊飾演琴行職員。雖然她們相識多年，但原來今次只是她們第二次在幕前合作，上一次合作已經是6年前的《DiY2K》。問再次合作有何感覺？麥芷誼說：「我同阿談係好朋友，平時成日都會出嚟見面，但係做嘢嘅機會就比較少。今次合作感覺到大家而家成長咗好多，畢竟2012年時我哋都仲係好新，咩經驗都冇，好似只係演返自己咁，有啲幼嫩。」又笑指自己重溫《DiY2K》會不好意思。問會否因與談善言相熟而演得更放？她即笑謂：「係呀，我個角色都係個好多嘢講嘅女仔，所以我用咗喜劇嘅方式去做，又重拾到當年同阿談合作嘅感覺，成件事好好玩！」