47歲袁詠儀生日無懼素顏　張智霖唔送袋改送呢樣更有意思

袁詠儀(靚靚)日前 47歲生日，老公張智霖(Chilam)日前Call 咗成班朋友，為老婆舉行一個驚喜生日party，包括蔡一智、薛凱琪、丁子高等。靚靚在IG留言說：「朋友聚會，剛得知明天是我的生日，特意為你安排生日蛋糕，感覺自己真的是一個好幸福的人，謝謝你們。」一向保養得宜的靚靚，更無懼素顏上陣。

眾所周知，靚靚愛包如命，開心買包不開心也要買包，Chilam 更在內地綜藝節目上，神模仿太太愛包包的神態。今次生日喎，Chilam唔係唔送呀嘛？但Chilam 今次真係唔送包，而係以老婆的名義做善事捐款，雖然不知道實質金額多少，相信價值足以買一個名牌包包。靚靚留言說：「張生喻（譽）為比買包包更有意義的生日禮物，雖然包包飛走了，但心情更喜悅，Very Good。」不過學網友留言話齋：「Why not both?」