【妻子的浪漫旅行】應采兒屋企簡單又貼地　Jasper原來好迷呢啲書

過去內地唔少真人騷都拍過明星的屋企，就好似當時《爸爸去哪兒5》的時候影過「山雞哥」陳小春的豪宅，成個單位3800呎4廳8房的規模令人稱羨不己，不過只是輕輕帶過而已。而近來老婆應采兒又參加另一個節目《妻子的浪漫旅行》十分詳細介紹她的屋企，令人一探究鏡360度望清楚，簡單的設計同應有的擺設都十分講究。

3800呎的相連單位空間大到不得了，只是一個客廳就已經可能大過你我的屋企，眼見他們客廳擺設唔多，最突出就是一張淺藍色的梳發，同一部大大的電視機﹑同一張大大的餐桌，就是這樣簡單的設計配合埋出面無敵大海景，給人一種好舒適的感覺。而原來唔講唔知，客廳上上貼了兩張揮春寫著「大吉才利」﹑「桃花盛開」原來是出自Jasper的手筆的，只有5歲人仔的他寫起中文字有板有眼，的確是聰明了得啊！

除此之外，觀看成個客廳好少見到小朋友的玩具，原來應采兒有一個規定是客廳唔可以擺玩具的，不過又唔係冇所以成個客廳就只有「比卡超」一個公仔，原因只有一個：「客廳是屬於大家的」，她這個觀念獲得大家大讚。

鏡頭一轉就當然唔少得影Jasper的房間，其實他的房間四四方方都好大，擺滿了好多圖書同玩具，最多就是英雄人物好似是超人﹑高達之類，當然唔少得自己的日常生活照片同爸爸媽媽的照片，夫妻二人的公仔擺在玩具架上最頂端，想見唔到都唔得啊！而Jasper的睡床就只是一張簡單的木製床，旁邊有膠椅膠櫈猶如一個小客廳十分溫馨。應采兒亦大方展示平日仔仔會讀咩書，原來好多都是一些健康知識書「便便有妙用」﹑「細菌英雄」…果真係好孩子。

另外，他們的豪宅洗手間亦首次曝光人前，全部採用大理石設計加上一大塊長鏡，鏡中仲有一個小電視添，成個設計十分光透，最好笑的是浴缸旁上擺滿了好多小玩具，可想而知Jasper有幾鐘意一邊洗澡一邊玩玩具，就連他的電動牙刷都得意過人有歌仔唱出來，可想Jasper有幾可愛喇！

據推測該3800呎的相連單位是位於吐露港旁的天賦海灣，據指他們以7千萬購入是香港數一數二的豪宅之一，好多明星都睇中這個地方就好似王祖藍夫婦﹑胡杏兒夫婦﹑林曉峰夫婦等，簡直就是明星會所啊！