【婚內情】傳早已結婚兼懷孕　廖碧兒否認：好好笑囉！

廖碧兒（Bernice）今日（29日）出席ViuTV《婚內情》發布會。特意回港參與拍攝的她坦言很開心有一個好劇本，這次也是她第四次演南方舞廳的劇，「其實每一次演都好唔同，今次呢個角色更加要好認真，劇本又好貼地，我始終覺得而家接戲開始要接成熟嘅戲，要研究多啲演技。」問到Bernice為何想接拍一些成熟角色？Bernice笑言因為人長大了：「我演戲生涯中，我由20歲頭拍到而家，我接觸嘅事情，人嘅關係、感情同愛情都唔一樣，當然會影響拍嘅時候，希望帶另一面嘅廖碧兒畀大家睇。」

問到廖碧兒入行多年後，有否感覺到自身演技有變化？她直言：「其實做演員一定要變化的，先可以繼續學其他事，當然有打戲、感情、愛情同古裝等，好多唔同機會畀我嘗試已經好好。」她早前離開香港一段時間讀書，笑言現在回港會積極投入演藝工作。

廖碧兒亦於早前宣佈回復單身，其後更傳出她已經註冊結婚及懷孕消息，對此，她坦言：「我好肯定同大家講，我冇結婚，而有人傳我大肚去加拿大，大家睇到我（身型）係冇嘅，而傳同我結婚個位人士好彩係認識十幾年嘅朋友佢唔介意，當係笑話，（見到呢啲報道會好嬲？）好好笑囉，如果係真都唔會走去加拿大咁多中國人地方啦，好多記者朋友係個到㗎。」