有特殊癖好？　小儀大爆傅嘉莉咸濕過金剛

傅嘉莉（Kelly）與小儀早前專程到日本鳥取和姬路拍攝節目《街坊廚神》，日前出席宣傳活動時，穿上和服配合主題，又即場與拍檔衛志豪齊齊整飯團。現場小儀大爆Kelly非常「咸濕」，事緣鳥取盛產蕎頭，Kelly一見到就不停地吃。小儀取笑Kelly在有蕎頭的情況，比金剛還要咸濕，Kelly笑言：「我係好鍾意食蕎頭呢啲咸濕食物，好好味！」她指當地食物非常美味，加上第一次去，實在是樂而忘返。同時是自己首次做綜藝節目，才發現原來好好玩，還有機會一齊去日本，寓工作於娛樂。

提到Kelly有份演出的劇集《特技人》故事已去到高潮，劇中所飾演的「津津」暗戀關楚耀，但男方卻愛上朱晨麗，有網友戥她不值，還大讚Kelly將角色演得很好。對此，Kelly謂：「多謝大家捧場，有人讚係開心嘅，知道自己演技仲係幼嫩，仲需要時間磨練。」另外，講到早前接受訪問時，她指關楚耀不是自己的那杯茶，她笑言只是玩笑而已：「因為佢之前都話我唔係佢杯茶。其實我同阿關係好朋友，劇中有好多對手戲，大家互相取笑都係為咗宣傳劇集。」