【婚內情】鄧萃雯唔恨拍《多功能老婆》：手到拿來我唔做

ViuTv新劇《婚內情》今日（29日）舉行發布會，男主角由很久沒有演戲的陳錦鴻飾演，而女主角則由鄧萃雯飾演。提到故事主要探討現代愛情故事，問是否很多親熱戲？陳錦鴻直言：「其實今次身體接觸係需要，更加開心係我已經好多年冇拍劇，同埋可以同咁多靚女拍感情戲，喺屋企講唔到嘅事可以拍戲講出嚟。」

提到陳錦鴻和鄧萃雯今次屬首度合作，問陳錦鴻會否覺得雯女有一種壓迫感？他笑言：「其實每一個女性對於我嚟講都好容易接近，因為我屋企本身全部都女人，屋企有兩個家姐兩個細妹及一個媽媽，而爸爸好早走咗，所以我好習慣同不同女性交往，佢哋唔會俾到壓力我，我係好想照顧佢哋，好想同佢哋好好相處，所以呢個就係監製搵我原因。」

至於鄧萃雯在訪問中便分享了一件事情：「其實我想講拍呢部戲點解會咁有氣場呢？就係因為身邊冇一啲可以頂到事嘅男人，自己頂得多就會變女強人，咁而家身邊有一個處理得到事嘅男人，我就可以變返普通女人。」了解雯女便會知道雯女對接劇也是很高要求，問到是什麼打動到她？雯女指ViuTV找她時候是很有誠意：「其實講劇本嘅時候，我諗諗我真係好似未演過呢類型嘅戲，橋段都真係估佢唔到，同埋婚姻對我嚟講都係幾好奇，除咗演之外我仲可以探討下，而家手到拿來嘅角色我唔會再去演，首先我唔知道做老婆係點，加上呢個仲要係不一樣嘅老婆，估佢唔到，所以聽故時候已經覺得好好，呢個係最大吸引力。」