【開心速遞】傻強同滿偉爭尚善想做安仔繼父　曹總亂入玩hehe？

無綫處境劇《愛‧回家之開心速遞》近期的劇情愈來愈搞笑，亦新增了多條線的發展，好似傻強 (馮奕森飾) 迷戀熊尚善 (滕麗名飾) 呢條線咁，令觀眾同網民都睇得好開心。自從傻強於Ocamp被尚善啜了一啖之後，就慢慢情傾呢位auntie，仲開始出招親近尚善，幻想自己可以成為老友金城安 (周嘉洛飾) 的繼父。

不過除了年齡差距是一個極大的問題，傻強要面對的仲有他的情敵潮偉 (袁文傑飾)，潮偉高大有型有事業又有錢，傻強呢個貧苦大學生真係好難可以爭得贏他。相信尚善點都唔會揀傻強，呢條線純粹搞下笑。潮偉竟然咁都呷醋就證明他確實好緊張，好在乎尚善。而最尾一幕講曹總 (劉一飛飾) 同傻強出trip去日本兼一齊浸溫泉，就令網民提議不如將曹總同傻強變成CP，幫傻強脫貧。