【港姐2018】鄧卓殷已封盤　有個Long D外國男友：佢話好以我自豪

《香港小姐2018》就由鄧卓殷（Amber）成雙料亞軍成為雙料亞軍，開心事當然就是與家人分享慶祝。今日鄧卓殷（Amber）會見傳媒時接受《香港01》訪問，她表示昨晚比賽結束後回家，就是與家人聊天分享。「返到屋企之後都好夜，不過都同屋企人傾咗好耐計，因為屋企人都好興奮，傾咗大約一個鐘頭左右。不過就冇乜慶祝，都係食咗個杯麵，因為真係好肚餓，跟住就瞓覺。(個杯麵咩味？）海鮮味，好似食緊一個海鮮大餐咁。」

昨晚節目問答環節中，就有司儀問道：「幾時（幾歲）可以買樓？」唔知道亞軍鄧卓殷（Amber）又點諗呢？「我係同屋企人住嘅，所以冇呢個壓力。香港樓價都出名貴大家都知。不過啱啱畢業未有買樓打算，但係希望喺我有生之年擁有一層樓。」而據知鄧卓殷（Amber）現在還有一名居住外國的男朋友，會不會將來男朋友回流香港之後買樓定居？她回答說：「之後嘅問題，就之後再解決啦，咁女仔未結婚之前應該陪多啲爹哋媽咪。（男朋友有冇恭喜你？）佢有Send Msg畀我話好Proud Of Me 咁樣。不過因為有時差仲未傾電話，可能今晚得閒再打電話。（佢住喺邊個國家？）喺外國囉。」