【港姐2018】陳曉華榮登冠軍寶座 歷屆師姐中與楊思琦最有緣
撰文：洪曉璇 秦志鴻
出版：更新：
《香港小姐競選2018》賽果塵埃落定，17號陳曉華成功脫穎而出摘下今屆港姐冠軍后冠：「希望嚟緊呢一年首先要履行港姐嘅職責，喺卸任之後再決定去向，但我本身都想做一個演員，希望試吓唔同嘅角色。」
陳曉華坦言奪冠的心情難以平伏：「我一直都無諗過自己會係三甲人選，（當選後會否覺得壓力更大？）壓力一定有嘅，但而家因為心情仲未平伏，仲係開心緊。」
回顧一眾師姐當中，陳曉華最喜歡的是楊思琦和陳凱琳：「我細個有一段時間要住喺醫院，咁啱嗰時係楊思琦過嚟探病，住院期間我覺得好唔開心，但嗰陣帶咗好多禮物畀我哋一班小朋友，嗰日嘅心情即刻好咗好多，佢過嚟嘅時候好似太陽咁溫暖，（為何入院？）因為嗰陣行得唔係幾好，記得醫生好似話細菌入骨？不過就未去到要做手術咁嚴重，（當時幾歲？）小學一年級。（陳凱琳呢？）因為佢嘅笑容真係好親切，見到佢嘅時候都有一種好想笑嘅感覺。」