【再見‧女人街】劉心悠演港版羅拉拉傷死頂　吳卓羲：最衰都係我

劉心悠與吳卓羲昨晚（26日）在尖沙咀出席電影《再見·女人街》煞科宴，期間劉心悠便向吳卓羲送上大會安排的蛋糕，預早慶祝吳卓羲的9月生日。兩人接受《香港01》訪問時侯便指拍攝過程挑戰性大，因為女人街人太多加上經常落雨，所以同一個鏡頭都要拍攝好多次。問拍攝是可有受傷，劉心悠笑言：「跑步之前都會拉筋，但我就以為自己唔使拉，但跟住一批猛男，第一個就覺得好似拉親。」吳卓羲聞言即話：「最衰都係我，我應該提佢拉筋。」問到男演員們可有錫住心悠，她即搞笑：「有啊，大家都唔當我係女人睇囉！」而吳卓羲大讚心悠非常專業，就算拉傷都跑足一日。

提到今次在戲中都同廖啟智及小演員合作，問可有擦出火？吳卓羲覺得做演員最重要是領悟力。另外，談到生日將至，吳卓羲坦言生日最重要跟家人過，因為以前公司很多時候生日都要開工，而生日願望就希望能夠拍更多好電影。