【電競音樂節2018】洛兒吸金力強時薪近兩萬：一日做7個鐘

IG靚相：

《香港電競音樂節2018》於今天（8月24日）正式開幕，相信大家都對這次盛事期待已久。會場內有十多個關於電競產業的攤位，一應俱全。今次大會更請到來自韓國的DJ Soda到現場打碟表演。（【美女廚房】洛兒做DJ打碟先係搵真銀：拍節目係學嘢攞經驗）

唔講唔知，《美女廚房》中「美女學徒」之一的洛兒（Lokyii）也是DJ Soda的同門師妹。一連3日洛兒（Lokyii）與初兒（Troyi）組成的電音DJ組合TnL也會出席多個攤位舉辦的活動。她在本次《香港電競音樂節2018》一天連踩7小時，首先在Monster攤位中做DJ打碟、再到神魔之塔攤位做嘉賓、之後到華碩電腦試玩遊戲，而每到之處必有大群粉絲龍友跟隨，真係好有人氣。

洛兒（Lokyii）和初兒（Troyi）更透露，未來計劃與友人合資開設屬於自己的酒吧。「成間酒吧投資咗差唔多7位數，連埋地方同裝修。」洛兒：「我諗都係經理人畀錢先，再喺份糧度扣。（酒吧叫咩名？）我想改佢做TnL，用我哋個名做酒吧名，哈哈。」除此之外，洛兒更接拍了一套電影，繼電音界、電視界之外，再進軍電影界。（【電競音樂節2018】洛兒Lokyii進軍電影界初體驗：演員陣容好强大）

據知情人士透露，淨計今次《香港電競音樂節2018》出席的活動，DJ組合TnL（洛兒&初兒）就已經賺了港幣40萬元。洛兒（Lokyii）接受《香港01》訪問時就默認了：「噓，老細話唔講得。多數每一日都會喺Monster度Cosplay打碟，有啲特色。」初兒（Troyi）補充說：「今日特別早10點半鐘就到場。」洛兒說：「今日12點幾就喺Monster打碟，之後晏晝二點就去神魔之塔，之後三四點就去華碩，最尾就會去玩VR，一日都差唔多要做7個鐘。」3日內工作21小時，即係2人接近有二萬元時薪，吸金能力真係高。