【專訪】蕭徽勇面對網民質疑一一解答　強調蔬果汁斷食亦要做運動

經過上一次蕭徽勇（Gordon）接受《香港01》專訪後，Gordon透露如何能用60天蔬果汁斷食大法減去60磅，報導播出後引起眾多網民留意，然而網民對於蔬果汁斷食法存在好大的疑問，譬如說：「減完肥點解對眼好似好唔精神咁」、「係咪之後唔洗做運動」、「係咪有病先瘦得咁快呀」。昨日（Gordon）再接受《香港01》訪問時亦一一解答大家的疑問。

Gordon對於網民嘅疑問十分了解，Gordon表示印象最深刻的一個留言是網民問我是不是患有癌症，「咁岩篇報導又揀咗一張相係我化緊死人妝，面色係似有癌症係絕對唔出奇。」其實Gordon強調蔬果汁斷食法不是一個減肥方法，「蔬果汁斷食法重點其實係自我哋出世以來都冇俾我哋腸胃休息過，因為我哋永遠嘅傳統思想就係食，係個口到吞吞吞，跟住去排泄，從來腸胃冇休息過啦，你機器不停用幾十年，你唔壞都有問題啦，同一個道理。所以蔬果斷食法重點係俾你身體去休息，跟住清洗腸胃然後再重啟，呢件事都市人從來冇機會做。」

同時間對於很多人問「咁樣唔食野60日係咪真係瘦到呀？」，Gordon對呢一個問題很不解，「我已經係一個人板，唔知點解大家仲會問我係咪真係得，呢個係我第一個疑問，不過當我第一次聽到呢個方法時候，我都係同一個反應，呢個方法得唔得呀，因為一般都市人唔會去諗唔食野60日，你從來都唔會有呢個概念，作為都市人由其是香港人好容易去食到野，緊有一間係左近，買食物係非常之容易。都市人已經基本上係我哋呢一代或者打後咁多代呢世人從來未捱過餓。其實食野唔係分飽唔飽，因為基本上嚟講人要點去生存呢？要滿足細胞，咁食野要提供營養俾你細胞，咁點解飲汁係可以得呢，汁就係有足夠營養提供俾你嘅細胞，只要你細胞滿足到同埋我之前係我live提過無數次，細胞點樣滿足同細胞需要乜，需要就係微量營養素，微量營養素只會係蔬果到嚟。」

其實很多人會質疑Gordon說不用做運動也可以瘦，Gordon笑言從來沒有說不用做運動，只是這60日當中不用做這麼劇烈的運動。Gordon這次強調世界是從來沒有不撈而獲：「其實做運動你做幾多就會收幾多係成正比，世界得呢樣係成正比，你唔覺得番工好，愛情好，你付出幾多唔代表會收番幾多，但做運動係你付出幾多就會收番幾多，而有運動界朋友搵我話我一嚟就亂講說話，絕對冇呢回事，我只不過講蔬果汁斷食其間唔需要做太劇烈運動。」至於仲有咩迷思想Gordon哥哥解答，記得睇埋樓下條片。