【C奶特工】黎諾懿為生女兒搬大屋　四處尋覓生女兒秘方

黎諾懿近日終於忙完TVB新劇《C9特工》的拍攝工作，諾懿透露有三個月的時間處理其他事情：「放一放假、陪伴太太及陪伴兒子等。」諾懿更大爆想搬屋，原因係乜？「其實係打算生一個女兒時候唔會太辛苦，所以想搬近少少外母屋企，始終西貢比較遠。」諾懿其實已經物色好搬去邊，不過冇透露喺搬去邊，只係知道自己負責俾錢。

香港置業好難大家都知道，今次諾懿搬新屋係購買？諾言慨嘆邊能夠買得起：「香港嘅樓實在太貴，我打算推倒樓市先買，咁貴香港啲樓，有冇搞錯。」問番諾懿準備生女兒，計劃打算何時？諾懿直言差不多：「完咗呢一套劇就可以，其中想處理嘅私人事就係呢件事，大家等我好消息。」諾懿笑言研究有什麼方法可以生一個女兒。