黎諾懿陳敏之為慈善出力　拍片當日先知對方唔止同事咁簡單

娛樂圈話大唔大，藝人之間除咗工作伙伴，唔少仲有特別關係。陳敏之同黎諾懿相識十多年，曾經合作多套電視劇，除咗係同事原來仲係校友。呢次佢地應王賢誌（Vinci）邀請，為東華三院賣旗日拍攝宣傳片。敏之及諾懿雖然老友鬼鬼，但原來佢地事前都唔知對方係東華校友，敏之是東華三院馮黃鳳亭中學的舊生，而諾懿是東華三院邱子田紀念中學的校友，真係相當有緣。

敏之憶述讀書時一定要做賣旗義工，因為賣旗日係學校盛事，老師會積極招募學生做義工，仲會預早約定學生義工時間收旗袋同旗紙。敏之表示賣旗日亦係難得一日媽媽會爽快批准她出外，因為是做善事幫到人。敏之仲話有機會一定會帶囝囝子樂一齊賣旗，從小培養做善事幫人踲習慣。

至於諾懿亦表示中學時一定要參與賣旗日，佢記得當年一大早就要到學校附近，拎着旗袋及紙旗向市民勸捐。佢表示當年十分落力賣旗，一方面當然是想籌多些錢，另一方面是跟同學鬥快賣旗鬥威水。