日本AV女優明日花綺羅與Rose Ma拍廣告　Rose Ma：我有睇過佢嘅AV

明日花綺羅（Asuka Kirara）日前（8月21日）到港舉辦首個見面會，相信不少香港影迷都為之雀躍。見面會中影迷亦帶著興奮又緊張的心情出席，雖然可以入場的粉絲數量有限，但影迷以及粉絲還是有機會在日本AV電影以外的渠道見到明日花綺羅。明日花這次來港，除了舉行見面會外，也是受邀到港拍攝廣告，而廣告的另一位女主角就是香港電競界KOL的Rose Ma（馬俊怡）。

其實Rose Ma因與明日花面貌外表上相似，而被稱為「港版明日花」。在日前（8月22日）的廣告探班上，明日花更透過翻譯讚Rose Ma讚「好可愛，（開心）可以有一個同自己咁似嘅人」。Rose Ma接受傳媒訪問就表示這次廣告拍攝除了她以及明日花以外，還有4名神秘演員參加，而明日花亦說：「要保持秘密，親唔親密就要睇情況，不過會有性感鏡頭！」

大家可以睇相比較下佢哋似唔似樣。

Rose Ma接受《香港01》訪問時回應說：「我覺得好開心，哈哈，因為冇諗過佢會咁講，好驚訝。(你覺得自己似唔似佢？）我覺得唔似嘅，因為佢真係靚太多，同埋我見到佢我都好怕醜。佢俾人感覺就係好nice，唔知點解佢俾人一種好想保護佢嘅感覺，好正吖。」」問到經此次廣告拍攝，會否進軍日本嘗試時，Rose Ma回答說：「進軍日本吖，我一直都有諗過，會努力去學日文。」雖然明日花綺羅是日本AV界女優，但原來Rose Ma都有欣賞過她的AV作品。「我有睇過，但係我更加留意佢潮流方面嘅嘢。」