周慧敏渡過50歲後不敢違抗自然定律 「渴望優雅地老去」

周慧敏渡過50歲後不敢違抗自然定律 「渴望優雅地老去」
撰文:賴家杰
出版:更新:

周慧敏(Vivian)早前忙完巡迴演唱會後,現在處於休息階段。正在忙演唱會期間,眾多粉絲不停在Vivian社交網站講佢太瘦,需要增肥,令到Vivian有增肥嘅決心,「我乖乖地聽佢哋講去增肥,我上鏡嘅話,好似前一段時間咁瘦系適合,因為上舞台都要瘦,其實我上鏡系會肥十倍,所以我要比正常人更加要瘦,但系宜家可以休息,咁我可以盡情食,足足肥咗5磅,現在大概105磅,到年底巡迴再開始,又要減少少先可以著得落演唱會嘅衫。」

周慧敏(Vivian)早前忙完巡迴演唱會後,透露現階段要好好休息。(陳順禎 攝)
周慧敏(Vivian)早前忙完巡迴演唱會後,透露現階段要好好休息。(陳順禎 攝)

近年Vivian不停被大家稱為不老女神,Vivian直言覺得網友們系誇獎佢,「其實我多年來繫有變化,咁我過咗50歲,希望將來可以優雅地老去,咁就OK,我唔會挑戰自然定律。」當然大家想知道Vivian多年保養秘訣,Vivian笑言做運動可能系原因之一,但重點要保持開朗態度,呢一點旁人會從眼神可以觀看到。

Vivian指對於大家贊佢系不老女神系誇獎佢。(陳順禎攝)

Vivian間中會於自己社交網站Post當年年青時候照片,引起大家熱烈討論,Vivian咁做原因係為30周年演唱會要回顧一下,令到Vivian想當年。問到入行多年,Vivian最喜歡哪一個階段嘅自己?Vivian直言準則同其他人唔一樣:「我每個階段都有好珍貴回憶,而我學到同得到嘅事,累積下來先可以成就今日嘅自己,所以我冇話最愛或唔愛哪一個階段,我只想講活在今天要珍惜當下,能夠處理好現今事情已經好唔容易。」

Vivian笑言現今生活令到佢好開心,可以做自己喜歡做嘅事。(陳順禎攝)
正在加載