【港姐2018】呻一連串訓練太艱苦 楊帆：體能應付唔到怕頂唔住
撰文：吳子生
出版：更新：
20位入圍港姐候選佳麗現身將軍澳為《2018香港小姐競選》宣傳造勢。一眾佳麗穿著泳裝會見傳媒，看來各人狀態不俗。大會特別請來星級評判黎諾懿、李施嬅頒發「友誼小姐」獎項，由20位候選佳麗投票選出，勝出佳麗是8號陳靜堯。
港姐選舉本周日舉行，一眾佳麗馬不停蹄接受一連串艱苦訓練，為選舉當日作好準備。楊帆（krystal）表示：「依加日日都要練舞，因為要比賽關係，有好多隻舞要排練，時間比較長，相對休息時間又要少咗，都擔心當日選舉嘅時候，體能應付唔到，怕頂唔住。」
今屆《香港小姐競選》將會全民投票選出誰是心目中港姐冠軍，唔知Krystal點樣突圍而出，增加票源呢？「其實呢樣嘢我自己都好緊張，因為我由內地來，香港又冇乜朋友，我啲朋友都好支持我，都會幫我宣傳一下，都會叫啲親戚投票支持我，自己都會喺IG社交網分享一啲生活近況，讓網民認識我多啲。」