徐小鳳撐香港人食魚蛋：為香港文化打氣，食魚蛋冇問題！

徐小鳳即將舉行紅館個唱，日前她作客TVB娛樂新聞台節目《StarTalk》，接受主播許文軒(Edmond)專訪，大談箇中感受。對於演唱會歌衫方面，問到經典波點裙會否再現舞台時，小鳳姐表示非常矛盾，她說：「我有改過用唔同顏色嘅波點裙，但著咗之後覺得自己好幼稚，於是放棄咗，好似垃圾蟲咁！唔知點解都係黑白順眼啲，但我會繼續試唔同嘅顔色。」

小鳳姐開Show 點可以無呢條咁經典嘅波點裙！（視覺中國）

其實波點裙都有好多款，但真係只可以限於黑白色，其他色真係會出事！（點擊圖片觀看）

小鳳姐一向形象貴氣，但主持Edmond竟然問她會否在街邊食魚蛋，小鳳的答案令人意外又窩心：「以前有，近期少啲，但我會買外賣，唔會企喺度食，我要為香港文化打氣，食魚蛋冇問題！」

估唔到小鳳姐都鐘意食魚蛋！（視覺中國）

小鳯姐一向性格幽默，個性親民又貼地，原來小鳳姐對一些時下玩意好似瑜伽、唱K、行山同街頭跑步等亦有留意，絕對跟得上潮流！對於Busking(街頭賣唱)，小鳳姐則說：「我第一時間諗嘅係啲音響得咩？我都想去Feel下，其實外國係好普遍，但佢地會分開遠啲咁玩，喺香港逼埋一堆，大家只係鬥大聲，聽嗰個都好辛苦。」

小鳳姐都話想試下Busking (街頭賣唱)。(視覺中國)

早前經典劇集《流氓大亨》重播，原來小鳳姐亦有追劇，她說：「當時已經好希望有續集，套劇好成功，加埋首主題曲又好聽，再睇返一啲都唔過時，(凌晨咁夜都追劇？) 都唔係好夜，十二點正是我的開始！我唔覺得捱夜，因為夜晚係最舒服，朝頭早太多引誘，(有什麼引誘？) 一有太陽出嚟就想晾衫，我又唔信洗衣機，因為唔夠乾。」

小鳳姐接受TVB 主持許文軒訪問。