【特技人】傅嘉莉唔怕被李君妍身材搶鏡　「好嘢係要show出嚟」　

傅嘉莉〈Kelly〉、譚俊彥、朱晨麗和李君妍等一眾演員為新劇《特技人》造勢，劇中傅嘉莉與「同門師妹」李君妍打拳一幕，被身穿低胸Bra Top的李君妍搶去風頭，Kelly與李君妍一同受訪時，大方表示：「唔會，靚嘅嘢需要show出嚟，我嗰套衫都好型，有少少露膊。其實君妍本身個角色係需要性感，因為講佢要上位，好似我角色以前的影子，所以唔會覺得搶鏡。」

李君妍亦爆料Kelly拍攝期間不慎受傷：「因為我哋即日學，所以我手肘唔小心撞到Kelly隻腳，記得佢嗌得好大聲。」Kelly稱：「係呀，因為上5吋下5吋係最痛，真係好痛〈瘀晒？〉係呀。我哋好慘，佢識打又要扮唔識，我唔識打又要扮識，呢啲咪演技囉。」她們又透露接著劇集亦有唔少對手，希望大家繼續支持。