鄭嘉穎唱出道作冧老婆有意思　陳凱琳認自己係「小天使」

鄭嘉穎與陳凱琳(Grace)婚後從峇里返港，約凌晨12時，鄭生鄭太非常甜蜜地手拖手步出入境大堂。Grace對於被叫做「鄭太」感到很新鮮有趣，老公「鄭生」在旁說：「慢慢就慣㗎喇。」

嘉穎在接新娘時，唱了一首他自己的歌《一千個願意》而抱得美人歸，原來背後有個故事，嘉穎親自解釋說：「呢首歌係小弟剛出道嘅一首歌，Grace 話佢好鐘意呢隻歌，佢問：『歌詞係咪講我？』我話好明顯係講你啦。Grace 當時要求話：『你唱首歌，我要聽嗰首』，我就知佢想要聽邊首，所以就唱咗《一千個願意》，咁先娶到老婆。」

而Grace 之前接受訪問，也說過：「因為有一次同嘉穎唱K，佢唱呢首歌，我覺得歌詞中『小天使』同我好貼切，歌詞係講等緊一個天使出現，我聽到覺得好sweet。」《一千個願意》中，有句歌詞是這樣的：「從前沒法置信我會碰上小天使」，的確，對於曾經認為自己這輩子都不會結婚的鄭嘉穎來說，遇上一個令他心動想娶回家的陳凱琳，相信他也始料不及、難以置信，所以這句歌詞的確很貼切。

之前盛傳二人是雙喜臨門，嘉穎表示：「有好消息先同你哋講啦，都未有消息。(係咪好努力㗎喇？)慢慢都唔遲，成世流流長。（係咪想生個豬BB？）豬年都有排啦，都好嘅，聽講豬仔有福氣。」Grace 被問到奶奶有無畀壓力，她說沒有：「奶奶都明白好多嘢要一步一步嚟，順其自然OK。」