【森美旅行團2】森美扮女人示範角度重要性　靚同驚嚇只差一線

無綫節目《森美旅行團》昨晚播出了第三集，呢集可謂相當驚嚇，因為森美反串扮女人，他化上超濃妝扮演日本傳統藝妓。雖然森美化行妝set晒頭又穿上和服，由頭到腳都一絲不苟，不過點睇他都是似男人多過女人，呃唔到人。森美又被另一主持麥美恩笑他的牙齒好黃，而呢個都係事實，森美白過A4紙的面色對比之下，棚牙真係特別黃呀。

森美日前亦於自己的IG post過呢個藝妓look留言表示：「森美旅行團最驚嚇嘅 ! 究竟幾時會出現呢？#張相唔好傳出去 #絕密 #攞命」但昨日森美又再開post上載了一張藝妓look自拍照，留言讚自己話：「今晚靚女出場呀，秀麗嘅外表，優雅嘅內涵，襯托出最完美嘅體態。My name is Samantha! Sammy's sister。」而呢張自拍相入面的森美又幾靚女喎，有唔少網民讚他，難怪有人留言話角度的重要性啦。