張曦雯再開live打機　唔會性感現身：試過畀網友笑我額頭有油光

向來打機有一手的張曦雯 (Kelly）為全港電競挑戰賽記者會擔任嘉賓，身穿白色Deep V吊帶裙的她絕對稱得上是打機界的女神，有唔少打機愛好者都想同女神過返幾招。別看她一身性感打扮咁Girly，她自言自己性格比較男仔頭，鍾意玩的game都偏向男性化。Kelly說：「我好鍾意玩槍game、仲有打交同打仗嘅game，都係man啲同刺激啲嘅game。」

Kelly又宣布一個好消息，各位機迷留意喇：「我最近有時間打機，依家會開番Live，好開心大家鍾意睇我打機，可以同大家見下見，打機係我嘅樂趣，舒緩壓力，又帶畀我一啲工作機會。」不過她就話自己開live時不會性感上陣，而是會以宅女look示人：「試過有次開live打機畀網友笑我額頭有油光。」

雖然Kelly鍾意打機，但就無諗過要參加電競比賽：「因為參加比賽就會有壓力，而我自己打機係為咗釋放壓力，同埋我係一個好勝嘅人，參加比賽自然就會好想贏，輸咗又會好唔開心。」

仲有好多Kelly嘅索爆靚相㗎。