靚媽楊思琦被惡搞P圖露點照：通過法律途徑追究一切責任
撰文：吳子生
出版：更新：
楊思琦今日（14）為香港電台《新紫荊廣場》訪問錄音。靚媽楊思琦7月推出首本個人寫真集《Miss Szeki 2018》，單日大賣過千本。「好開心寫真反應咁好啦，其實都有朋友問我會唔會出寵物書、親子書呀，都有諗過，因為之前都養過7隻狗，到依家又有咗囡囡啦，都可以分享寫成書。而家都寫緊個專欄，會寫吓一啲時事及同啲小朋友、囡囡有關嘅經歷體驗。」
楊思琦近日被人惡搞P圖，並在網上惡意散布不雅露點照，思琦並且在微博發出聲明表示會通過法律途徑追究一切責任。「有Fans話我知，有人將我個頭像P咗去一個唔屬於我個身體嘅人度，好不雅又露點，send咗畀我睇，所以我有必要出份聲明話畀人知，我只喺影咗一輯慈善用途又健康嘅寫真集，希望啲人唔好相信個張相喺我本人。」