【延禧攻略】純妃逃避侍寢有原因　手寫「和」字到底有乜意思？

大台熱播清宮劇《延禧攻略》，一眾後宮為得到乾隆皇帝寵幸／侍寢機會各出奇招，唯獨純妃（王媛可飾）避得就避，甚至不惜用凍水沖涼整病自己免除侍寢機會，點解要咁做呢？大家仲記唔記得日前播出一集，當皇上去到探望純妃時，佢正係用爐灰寫咗個「和」字，之後更同皇上解釋呢個「和」字係希望天下大同、六宮和祥……

之不過，其實純妃呢個「和」字，正正就係皇后弟弟個名：富察傅恆，字春和！純妃同皇后早在入宮前就已經閏蜜，純妃對傅恆一見鍾情，更試過親手編織穗子表白，可惜在運送途中被丫鬟所攔截。穗子後來輾轉去到傅恆手上，令純妃一直誤以為傅恆對自己有意思，所以一直逃避侍寢，並幻想同傅恆會有美好嘅將來，亦因為咁，純妃在劇集初期，處處維護皇后。直到後期，當佢發現傅恆鍾意魏瓔珞時，加上傅恆表示之所以會使用該穗子，係以為皇后親手編織，並將穗子物歸原主，令純妃美夢破滅，開始走上黑化之路。