林奕匡計劃年底開演唱會　自覺未夠班喺紅館開騷：呢個舞台好神聖

林奕匡（Phil）出席《流行經典50年》節目錄影，Phil已經唔係第一次上呢個節目，透露呢次會與林志美合唱《愛的火花》。問到同前輩合唱會唔會好緊張？Phil直言：「都幾得意同佢合唱，因為自己比較少唱呢類型歌曲，以前歌曲節奏會慢，所以字都少啲，所以咬字要更清晰。」Phi講到更要苦練咬字方面。

Phil唱嘅流行歌曲大家都耳熟能詳，問到覺唔得自己嘅歌曲能夠成為經典？Phil當然希望有一日係經典「Phil亦透露今年有計劃開演唱會：「宜家計劃緊，希望有一個大型表演。」每一個歌手夢想目標係紅館開Show，Phil當然唔例外，但Phil覺得自己仲未能夠係紅館開：「我始終覺得紅館舞台好神聖，我會覺得未係時候就唔可以，我未到100%滿意自己我都唔可以，表演係一件事，享受又係一件事。」

接下來Phil要忙住籌備新專輯嘅事，會唔會怕老婆投訴冇時間陪佢？Phil表示完全唔擔心呢件事發生：「佢宜家唔喺香港，宜家飛咗去溫哥華，一半係因為工作，一半因為見屋企人，所以咁咪好，我冇時間陪佢，我又可以專心工作。」