【港姐2018】見習建築師Amber自認好捱得：每日瞓三個鐘！

19位候選港姐今日〈10日〉首次以泳裝會見傳媒，20號鄧卓殷〈Amber〉雖然一向身材都好Fit，但都有特別為今日做足準備，她稱：「我有食清淡啲，同埋自己煮多過出街食，盡量唔食味精，呢排都有勤力做Gym。（着泳衣對你係咪無難度？）其實都係第一次喺咁多人面前着，都有少少唔自在，希望到決賽嘅時候，可以練到自己有自信啲。」Amber又指其他佳麗狀態都好好，但最欣賞Honey，因為對方身材最豐滿。

Amber透露自己亦開始加強皮膚上的護理，她透露：「我覺得除咗外形上，個樣都好緊要。所以想皮膚狀態好，我都盡量瞓多啲，敷面膜同加強保濕。」雖然賽前活動比較多，但Amber就自認捱得：「因為讀建築嘅時候，成日都要做好多Project，每日都係瞓兩、三個鐘，所以都比較習慣。（咁捱得？）係呀，試個一個星期瞓得10個鐘，所以而家暫時都OK。」有十幾年中國舞底子的Amber又透露，希望決賽當晚可以讓觀眾欣賞她的舞蹈。