【刑事偵緝檔案】戴志偉批無綫經營者無遠見：當年拍劇好有凝聚力
戴志偉，足球，大家會諗起日本漫畫《足球小將》，但若加上縱橫演藝界30年，腦裡即時浮起藝人戴志偉，在無綫深宵時段重播的《刑事偵緝檔案IV》，就每晚都會見到他的蹤影，飾演中區警署的總督察邱彼得，劇中雖然只是綠葉角色，但他仍用心去演，換來是一句「唔夠騷」，於2011年跟無綫結束賓主關係，離開時曾經忿忿不平，現時見到無綫收視製作日走下坡，他沒有落井下石，只說覺得「好心痛」。
睇《刑偵IV》見親戴志偉出場，例必是西裝骨骨，雙手插着衫袋，跟同袍說不夠兩句，就會話「我去食晏先」，極速閃人，出場不多卻令人留下深刻印象，這就是多年在圈中的演技磨練。戴志偉讀畢1981年的無綫藝訓班入行，同期有劉德華、梁家輝，其後參與多齣劇集拍攝，最為人熟悉的角色有《射鵰英雄傳》的拖雷及《新紥師兄》的反派張家明，其後的角色亦以反派為主，至後期才演出正派上司角色。
戴志偉於2011年跟無綫結束30年賓主關係，當時他由被指唔夠騷，至到要減他的騷，令戴志偉有感不受尊重，而且早於十多年前已轉職做保險，晉升至分區高級經理，在無綫並非為錢，純粹是喜愛幕前演出，可惜滿腔熱誠未有相應回報，當時就令戴志偉忿忿不平。事隔7年，戴志偉接受《香港01》訪問，沒有再嬲舊公司，反而對於服務了30年的無綫，收視製作下滑感到無奈，「見到衰落得咁快好心痛」，「《刑偵IV》我就無睇返，都好多年前，唔記得晒。(當年拍《刑偵IV》，至到你離開有何分別？)好大分別，當時一班演員好有凝聚力，大家都好關心套劇，依家嘅演員心態唔同晒，只有三隻字They don’t Care」。
相關文章：
【刑事偵緝檔案IV】10大逆齡美女 排頭3位女角仲靚過廿年前
【刑事偵緝檔案】陳錦鴻控訴世界唔公平金句 《創世紀》Loop多次
【刑事偵緝檔案】徐濠縈息影變潮流教主 全因老公Eason一句話？
【刑事偵緝檔案】莫家堯過檔無綫追夢失敗 淡出幕前打理家族生意
【刑事偵緝檔案】邵美琪兩段姊弟戀受盡情傷 2005年纖體相最經典
對於無綫在黃金時段，一味購入大陸劇播放，反而本地製作買少見少，戴志偉不禁說出心裡話「買大陸劇播，對機構嚟講係致命傷，無自己出品，變咗一間超市咁，放唔同嘅嘢去賣，我覺得係經營者、投資者嘅問題，不如當年邵Sir(邵逸夫)咁有遠見。」提起當年離開，更被無綫指「唔夠騷」一事，「呢個直頭系統問題，一間supermarket有好嘅貨，但就收埋晒，唔去Sell，我哋都係好貨，呢樣我好有自信。」雖然現時不少藝人也北上發展，但戴志偉說現時在保險界有自己事業，間中拍下劇的感覺會較輕鬆，為興趣繼續演藝生涯，才能真正活得愜意。