【余德丞昏迷】醫院直播遭攻擊　林子博fb回應：做人要積口德！

TVB藝人余德丞（Dickson）日前踢波期間昏迷，被送往瑪麗醫院深切治療部（ICU）接受治療，當時情況危殆，傳媒聞訊皆趕到醫院採訪，包括TVB的攝製隊，在病房外等新消息。TVB的主持林子博在Big Big Channel作現場直播，報道現場情況，因而引網民反感，留言鬧爆，「入ICU都照做節目」丶「為收視可以去到幾盡」、「唔好騷擾佢屋企人」及「探佢再加植入式廣告」，更有網民出言辱罵林子博，對其作出人身攻擊，言辭相當過火。

對於網民的抨擊，林子博在facebook作出回應，他留言說：「你可以唔認同一間電視台，亦都可以唔關心一個你唔認識嘅藝人！但做人真係要積口德！」其實林子博只是被公司指派去進行直播，網民有權利評論TVB的做法，但出言不遜則是個人修養問題。而且睇返該直播片段，當時林子博只是站在一旁作現場報道，未有做過界的事或騷擾Dickson的家人及朋友。

林子博回應全文：「報道娛樂新聞係我嘅職責，包括直播娛樂新聞。你可以唔認同一間電視台，亦都可以唔關心一個你唔認識嘅藝人！但做人真係要積口德，因為病人仲喺病房搏鬥緊。大家一直都係單方面睇報道，以為余德丞處於危殆狀態！但最新消息，有親友喺深切治療部門外公布，Dickson已經脫離危險期，目前情況穩定！關心Dickson嘅朋友、同事及Fans唔需要太擔心！有宗教信仰嘅朋友，可以繼續為佢祈禱！祝願佢早日康復！」