【港姐2018】16號黃子桐原本體重140磅：因腸胃炎 一個月勁減20磅

無綫周四（9日）在杏花邨舉行《2018香港小姐競選》之「攀石挑戰」活動。一眾佳麗挑戰攀石，大顯身手，其間8號陳靜堯失手跌落軟墊，辛好並無受傷，而16號黃子桐攀爬時過份緊張出現失誤，可能與連日緊密訓練有關，見到部份佳麗都出現疲態。黃子桐表示：「近日港姐訓練喺比較頻密，睡眠時間喺小咗，攀石呢個運動喺第一次，現場見到咁多記者喺度，有啲緊張，同埋記唔清啲步驟，一時失手失平衡，其實最重要我都係想錯誤咁示範俾大家睇，跌落嚟嘅時候雙手要向前，同時雙腳要半痞嘅，咁樣就可以避免受傷。」旁邊陳靜堯話：「自己喺紐西蘭都有玩開攀石，我哋嗰邊會有安全繩綁住，當時想挑戰自己，一試忘記咗身上冇安全繩，因太習慣紐西蘭嗰邊嘅方式，先突然差錯腳跌落嚟。」

港姐明天有泳衣shows亮相傳媒,相信一班後選佳麗用盡最後努力修身。黃子桐話：「今晚一定唔可以食咁多野啦，我本身都係肥嘅體質，我未參選港姐之前，喺一個好肥嘅女仔，有成60幾kg，因為腸胃炎，嚴重到三日內入院兩次，然後一個月內減咗10 kg，其實我依家好驚會反彈。」