金馬影后馬思純分手 相差5歲姐弟戀退回朋友關係
撰文：蘇國豪
出版：更新：
4年前因拍攝青春電影《左耳》，而擦出愛火的金馬影后馬思純同歐豪，自去年相戀以來不時大晒恩愛，外界都相當睇好呢一段情。但萬萬想唔到戀情只維持短短一年多就宣佈分手收場，二人共同發出聲明退回朋友關係，登上熱搜話題榜超過180萬人討論，引來唔少人震驚。
因為電影《左耳》他們對彼此譜出感覺，當年二人多次被媒體影到有曖昧行為，但都一一遭到否認。直到去年3月份，男方被影到去橫店探望女方，而且二人共度一夜，戀情先最終被認實。其後二人多次不時在微博互傅晒愛，又為對方影視作品宣傳等，高調晒愛十分甜蜜。
雖然戀情早就暴光人前，不過他們一直在公開場合都保持低調，反而私下恩愛十足更被影到手牽手在機場出現，男方緊緊牽著後方的女方，這一幕當時更成為網上熱話。曾經的恩愛被外界睇好這一段相差5歲的姐弟戀，可惜最終都係迎來分手收場，二人透過工作室共同發出聲明：「相逢無悔，過往無憾，愿未來前路各自珍重」強調二人已經回到朋友關係，唔少網民都覺得非常可惜。
近來內地多對情侶相繼分手，在馬思純同歐豪之前，有闞清子同紀凌塵﹑倪妮同井柏然，紛紛被網友取笑是分手季嗎？更提醒鹿晗同關曉彤﹑唐藝昕同張若昀要小心啊！