【再見·女人街】吳卓羲唔做警察　「今次係正式第一次做古惑仔」

電影《再見·女人街》於旺角取景，講述飾演搬運工人的劉心悠被人追殺，古惑仔吳卓羲勇求劉心悠穿梭女人街成功脫險。Ron表示：「真好好多謝女人街啲檔販，義無反顧咁幫我地完成拍攝工作，因為好多時我哋都要周圍走，喺會影響到佢哋嘅生意，但佢哋都冇怨言，真喺香港精神。」

吳卓羲「警察」形象深入民心，今次終於有啲新意：「今次做古惑仔，可以講係正式第一次，其實我係古惑仔電影年代長大，好多古惑仔嘅電影都係陪住我成長，由第一套我係邊間戲院到睇鄭伊健陳浩南，都記得，未有古惑仔電影之前，我哋嗰個年代都會睇漫畫書啦，嗰陣時好流行睇呢啲書，一路以來都有帶比自己嗰個訊息，好講義氣有佢哋嘅地下秩序，唔可以違反佢哋嘅規則，劉德華《旺角卡門》同《天若有情》又喺我嗰個年代，簡直成為人心目中嘅經典，依家啲後生未必知，翻睇再翻睇都係咁好睇。」