【特技人】譚俊彥與綿寧再演父子　網友讚有火花：200年後再一起

新劇《特技人》昨日（6日）隆重首播，除了必定上演的三角甚至四角戀外，觀眾亦非常關注劇中的特技場面是否合格。在第一集中，飾演主角「大志哥」的譚俊彥（Shuan）便與「May豬」朱晨麗等為觀眾呈演多場「車Stunt」（汽車特技）場面，包括譚俊彥和溫家偉的炒車爆炸場面。不過，好多觀眾都留意到譚俊彥和小演員楊凱博（博博）繼《天命》分別嘉慶皇帝和太子綿寧後再做父子，名副其實的「200年後再一起」，而且兩人的默契更勝從前，令觀眾不禁大讚這對父子勁有愛。

譚俊彥和博博的對手戲的確好有火花，在首集的開始部分已經交足戲。劇中，博博便為正在車房工作的譚俊彥送飯，譚俊彥反問對方：「咁準時嘅？」而博博的反應非常抵死，他「寸寸嗊」地說：「梗係啦，餓呱你點算呀，你仲要養我㗎嘛！」到譚俊彥指連續三日食鐘點女工煮的通心粉難頂時，博博即繼續寸爆戲中老竇：「你請蚊姐（鐘點女工）係照顧我，你想食好啲就搵個女人啦！」最後被寸爆的譚俊彥同博博打打鬧鬧玩「講手」，非常過癮。

提到與博博在《特技人》中再續父子情，譚俊彥接受《香港01》訪問時便直言自己與對方好夾：「拍《天命》嘅時候就認識咗博博，再知道喺《特技人》演多次父子時我哋花咗好多時間令件事更好，又一齊打功夫，幾個月一齊生活咁，之後會有更多有默契嘅嘢畀大家睇到。」他又指自己人父身分令其更能投入去這段父子情：「我個仔冇博博咁大，8月25號先一歲，個女就大少少（3歲），反而我覺得《特技人》畀到我嘅感覺係，我變咗我老竇（狄龍），博博變咗我，因為都係個老竇唔想個仔入行。」至於會否支持仔女入行，譚俊彥就指現時言之尚早，他們有興趣便會栽培，但最重要是完成學業讀多點書。

其實博博演出經驗相當豐富，之前在《城寨英雄》中亦飾演童年版的陳展鵬，譚俊彥即大讚博博功夫底子好，又透露之後他們「兩父子」會在戲中用棍對打，稍後時間在宣傳活動上亦會表演，請大家拭目以待。當然，講起博博的「最經典演出」一定是幾年前他拍攝的保險廣告，當時好多網友便Cap圖勁加設計對白，當中更有不少是粗口對白，不過譚俊彥就話自己未睇過有關惡搞改圖：「有粗口就唔太好，費事教壞啲小朋友。」

點擊下圖觀看博博的靚仔相：