許廷鏗變跳唱歌手感覺良好　忍唔住開心share：明年紅館見

許廷鏗昨晚(3日)於旺角麥花臣舉行音樂會，雖然日前他曾經話過因受氣管敏感影響而有少少擔心，但現場所見他狀態甚佳。台下除有好友林欣彤、陳慧敏、胡鴻鈞、盧凱彤及吳業坤之外，台上亦有《巨聲幫》出身嘅王嘉儀擔任嘉賓。 許廷鏗表示不經不覺入行快10年，當中雖然經歷過甜酸苦辣，但仍自覺是較為幸運的一位，他又指自己是煩友一名，事事力求完美，慶幸新唱片公司華納的同事對他十分包容。

向來都以抒情歌為主的許廷鏗，昨晚首次獻唱快歌《體操》，與女dancers有不少親密動作，尖叫聱跟掌聲比他唱《青春頌》更為熱烈，事後有觀眾大叫跳多次，但許廷鏗似乎已經夠本，更大叫「你跳呀？」音樂會尾聲，許廷鏗問觀眾是不唔夠喉，並說：「唔夠喉的話，約定你哋2019年紅館見!」完騷後，觀眾不肯離場，許廷鏗見次出台，並問：「做乜唔走呀？係未太耐無睇我開騷？」坐於台邊的他開始哽咽，並謂：「我一直都唔知點開口，知道大家等咗好多年，出年3月紅館見。」接著他又應觀眾要求清唱了《時光》一小段。

完騷後，他透露今次音樂會一票難求，起初以為是同事騙他，直到出場時見到坐無虛席，令他感到超級開心。「落台同觀眾握手時，佢哋嘅眼神好似真係等足我9年咁。入坐率高同完場大家唔肯走都係正，band走晒我都想清唱比佢哋聽，《時光》係我對上一次音樂會嘅主題曲，好百感交集，因為已經係2013年嘅事。」一曲《體操》，令許廷鏗即時變為跳唱歌手，他笑言在台上表演時感覺良好，希望觀眾也有同樣感覺。「相信我嘅舞藝一定會躍進，因為呢段時間我唔會偷懶，上次演唱會之後同我排舞老師say bye，今次之後會一直排架啦。」他又笑言如果勤力排舞的話，隨時會練出肌肉。「我人生未擁有過腹肌，我都希望有咁嘅一日，到時呢ｏ舊肉可以分成六格。」