楊冪公司藝人解約因熱巴搶走資源？　28歲李溪芮：感謝相遇

「收視女王」楊冪紅遍兩岸三地唔多講，仲慧眼獨到自組公司簽了唔少英男美女，劇接劇捧紅他們之餘更為公司帶來了唔少效益，其中最成功的就非維吾爾族靚女迪麗熱巴莫屬。眼看成個內地娛樂圈楊冪公司培訓出來的藝人發展都相當唔錯，萬萬想唔到近日有一位藝人李溪芮卻選擇離開獨自向外闖，令外界紛紛猜測因為公司資源集中在熱巴身上，而她就反而停滯不前，在如此情況下就單飛望闖出一片天，成為大家熱論焦點。

楊冪公司所簽的藝人全部都係90後，過去公司藝人在所有社交網站的開頭都要寫下「嘉行傳媒簽約演員」8個字，近來李溪芮就微博上只有「演員」二字，意外被發現與嘉行已經冇關係，更貼文表示「感謝相遇，感恩同行」8個字已經講清楚了。而嘉行方面亦經已證實他們已經和平結束賓主關係，並非常支持她向外闖。

突如其來的解約隨即引來外界好多猜測，唔少人覺得是公司偏重迪麗熱巴身上，而搞到她好冇癮就選擇離開。李溪芮同迪麗熱巴同一時間進入嘉行傳媒，據指出一開始李溪芮是最受楊冪力捧的一位，因為除了有專業演技之外（畢業於：中央民族大學），她從小在美國生活有時尚感，身材臉蛋各方面都非常好，一出道就被安排接拍唔少好劇，更孖著老闆楊冪拍《親愛的翻譯官》令她廣為人知，可以話小有名氣，可是後續就似乎停滯不前。

相反，同她一齊從嘉行出來的迪麗熱巴就唔同，同樣在2014年可以話正式拍電視劇，她就憑《古劍奇譚》芙蕖一角廣為人知，後來因為大家對她關注慢慢欣賞她的外形，令她討論高大受歡迎，獲得唔少粉絲支持。後來兩人共同拍攝《漂亮的李慧珍》，李溪芮只是做第二女主角，而熱巴就是女主角，往後熱巴演藝事業一帆風順，單憑去年《三生三世十里桃花》白鳳九一角，就已經令她站穩一線女星地位。

迪麗熱巴人氣旺劇接劇成為多劇的女主角，而李溪芮就在今年《東山晴後雪》中首當女主角，可見二人發展已經相差甚遠。明眼人亦睇得出公司資源傾斜迪麗熱巴身上，先令她有被受冷落感覺，有網民認為冇熱巴她就是嘉行當紅的一姐。

其實紅唔紅都真係要講觀眾緣，楊冪已經帶力捧紅她可是就是紅不起，有另一些網民認為她辨識度少，沒有個人特色先是死因，好難怪別人。如今，選擇向外闖，只希望一切順心演藝事業更上一層樓啦！