鍾懿想到英國讀音樂　鍾鎮濤愛女心切：你最遠只可以去北角！

鍾鎮濤（B哥）與愛女鍾懿一同接受有線電視專訪，兩父女大談音樂事。原來B哥在囡囡3歲那年，受老婆范姜敦促，要帶女兒到台上唱歌，初試啼聲。鍾懿一開口，即獲多位前輩讚賞歌聲悅耳。現年11歲的她，揚言：「16歲我要開個人音樂會！」

B哥聽到女兒有此目標，起初尷尬地說：「其實我唔想架，不過唔想會有好多後遺症！」他又透露曾經勸過女兒，做歌手會好辛苦，「呢條路唔易行架，好辛苦架，有我係度都仲好D！」問到愛女成為星二代後，最怕受到什麼壓力，B哥講笑話：「最怕佢養唔到我！」

不過，自愛女接觸音樂後，兩父女的關係得以拉近，每次說的話題，總離不開音樂，B哥說：「鍾懿同阿妹鍾幗都鍾意外國歌手，One Direction就係我們三個都鍾意的！」

講到興起，女兒提到自己有意到英國讀音樂，B哥聽到即說：「太遠啦，你最遠只可以去北角！」雖然B哥愛女心切，但可見兩人感情相當要好，幸福滿瀉。