杜汶澤新女郎莊端兒爭寵　貝依霖未驚過：佢新入職都冇一個月

新一代性感女神貝依霖自從今年獲杜汶澤斥資力捧，喺阿澤嘅自家網台「杜汶澤喱騷Chapman To’s late show」中的節目不時都會見到佢嘅身影，但近日阿澤就再請出名性感的莊端兒做私人女秘書，更加臨時拉夫叫莊端兒兼任新聞女主播，獲網民like爆！眼見風頭被搶，貝依霖都開始出招爭寵。

阿澤一向都對好睇重貝依霖，當然貝依霖都好識做，不時晒出心口仔，實行件衫嘅領位有幾低開幾低。網友睇到噴晒鼻血。成功製造好多話題。

對於被指同莊端兒爭寵，貝依霖就透過短訊回應：「佢新入職都冇一個月，而且我哋負責嘅節目根本唔一樣，都唔知點爭。」貝依霖透露雖然只係同莊端兒見過一次面，但對對方印象都唔錯，仲話：「大家溝通都幾順利，收工仲一齊搭地鐵返屋企。」貝依霖仲強調自己唔需要靠走光嚟博上位：「我唔使走光佢都注意到我。」並指阿澤無偏心：「阿澤對我好好。」

阿澤啲女有幾索？睇圖喇！