【劉德華演唱會】吳卓羲為撲飛豁出去 跳唱《獨自去偷歡》值得睇
撰文：洪曉璇
出版：更新：
黃子華棟篤笑令全城掀起撲飛熱，黃牛票炒至天價搞到子華都要拍片叫大家千其唔好助長。嚟緊大家又要準備大戰黃牛黨啦﹗相隔8年劉德華再度於紅館舉行20場演唱會，雖然距離12月仲有四個月，但係撲飛呢家嘢事不宜遲……連圈中藝人都要出力去搶，吳卓羲為咗求票更加又唱又跳以搏華仔注意。
+2
話晒想當年吳卓羲一曲《別怪她》唱到街知巷聞，同澤囝早前合唱《飛虎之潛行極戰》片尾曲後，呢日又孖住姜皓文以及BabyJohn蔡瀚憶大開金口。佢地３位因為拍《拆彈專家》而成為buddy，呢次為咗撲華仔個唱飛，不惜又唱又跳華仔嘅神曲《獨自去偷歡》為摶一票。唱成點就真係……其實唔重要啦！最重要係俾華仔留意到佢哋嗰份撲飛之心！