張繼聰健身健心有辦法：想健身唔可能一世清淡
撰文：翁漢瓏
出版：更新：
張繼聰出席活動時分享健身期間的飲食心得：「其實食啲乜嘢主要係睇你處於邊個時期，想要有啲咩功效，例如我有時為咗應付拍攝需要上鏡啲，咁就要降低個脂肪率，所以修身階段就會食得清淡啲。以我而家嘅階段就係要食多D先夠力舉得更重，咁就需要食多啲，但都唔會太油膩，始終你食得太肥之後會好難減番，講到戒口我最多都係少食甜品同太過油膩嘅嘢。」
張繼聰更即場拆解健身謬誤：「有啲人會話我要keep fit，所以唔食野，根本就冇可能，你可以唔食一時，但真係冇可能一世都唔再食，所以健身其實可以有cheat day，只要你係長期做開運動，就唔會一餐食肥你，可以每隔幾個禮拜畀自己有一次一次任食所有野嘅機會，等你食夠10球雪糕，開心返咯咪繼續做運動囉！」他又呼籲市民：「普羅市民唔需要練到我哋拍野咁一舊舊，又爆曬筋咁，只要飲食均衡，長期做運動，咁就自然會生活得開心。」