想學鍾浠文影相零死角？3招教你變IG女神
撰文：郭芷晴
出版：更新：
模特兒鍾浠文 (Zelia) 昨日 (31日) 出席護膚品活動時，分享了自己影相時的秘技。Zelia經常在ig發放女神圖，究竟怎樣才可以塑造出「零死角」的靚樣呢？Zelia教落：「第一，要了解清楚自己塊面係咪對稱。有啲女仔一邊面大過另一邊，有啲女仔骨位唔對稱，所以影相時要識就位。第二，影相前除咗要化好妝set好頭襯好衫，最重要係放頭髮！而且要順住風吹嘅方向影，等頭髮迎風飄飄下，好有仙氣。」第三個貼士和平日保養有關，就是過二十五歲後要日日敷mask，補充水分同膠原蛋白。做齊三個step，自然做到和Zelia猶如零死角般的效果，做ig女神不是夢！
Zelia經常在ig派福利，皆因上半年密密去旅行：「我由一月開始就每月都plan一個旅行，想去嘅地方喺上半年都去哂。」原來Zelia的美圖大多由男朋友操刀：「佢畀我培訓咗做攝影高手，因為我哋見到成個沙灘都係男朋友幫女朋友影相。我覺得只有男朋友先捕捉到女朋友最soft，最溫柔同最幸福嘅一面。」去完旅行叉完電，亦是時候重新投入事業。Zelia說現在除了模特工作外，也有培養寫作和攝影的習慣，希望未來可以出書。